Federata e Çiklizmit e Kosovës sot organizoi etapën e parë të garës ndërkombëtare “Tour of Kosova 2025”.
Gara u zhvillua përgjatë autostradës “Ibrahim Rugova”, me nisje nga Prishtina (pompa Shell) – Fushë Kosovë – Prizren, me kthim në Vërmicë, afër kufirit me Shqipërinë (Morinë), ndërsa konvoji vazhdoi deri te finishi në laurën e pagesës së autostradës në Malishevë. Gjatësia e shtegut ishte 139,5km.
Kilometrat e para u karakterizuan me taktizime nga garuesit, ndërsa pas kilometrave të 50 një grup prej 17 çiklistësh u shkëput nga grupi kryesor, duke krijuar një distancë të konsiderueshme.
Në 15 km e fundit, në ngjitjen afër hyrjes për Duhël, dy çiklistë – Mackie Ewan nga Anglia dhe Reemeijer Niels nga Holanda – u shkëputën nga grupi dhe arritën të parët në finish.
📊 Rezultatet zyrtare sipas komisarëve:
• 🥇 Vendi i parë dhe fitues i etapës: Mackie Ewan (Angli) – 2:58:00 (bartës i fanellës së verdhë)
• 🥈 Vendi i dytë: Reemeijer Niels (Holandë) – 2:58:10
• 🥉 Vendi i tretë dhe çiklisti më i ri fitues: Franks Alex (Angli) – 2:58:41
🏁 Fitues i sprintit: Valentino Kamberaj (Kombëtarja e Shqipërisë)
📌 Shpejtësia mesatare e garës ishte 48 km/h.
👉 Nesër zhvillohet etapa e dytë, me nisje në ora 11:00 nga Vërmica (kufiri me Shqipërinë) deri në Hani i Elezit, me një gjatësi prej 144 km.
About the Author
