Çiklistët tanë, Albion Kastrati dhe Visar Nuhaj, kanë garuar në Kampionatin Ballkanik të çiklizmit, disiplina kronometër, të mbajtur në Edirne të Turqisë.
Marrë parasysh konkurrencën e fortë të garuesve nga 10 shtete, të dy patën paraqitje të mirë.
Kastrati doli i teti prej 16 garuesve, në grupmoshën seniore, ndërsa Nuhaj zuri vendin e 10-të prej 18 garuesve.
Edhe pse nuk arritën të hyjnë në zonën e medaljeve, rezultatet e tyre vlerësohen ndër më të mirat në historinë e çiklizmit tonë.
