Presidenti i Federatës së Çiklizmit të Kosovës, Avni Nuha, zhvilloi sot një takim shumë produktiv në Athinë me Vladimiros Petsas, Koordinator Sportiv i UEC.
Në këtë takim u diskutuan disa pika kyçe për zhvillimin e çiklizmit në Kosovë, ndër të cilat:
Forcimi i stafit profesionist brenda federatës, me fokus të veçantë në zhvillimin dhe licencimin e komisarëve, ku aktualisht kemi mungesa të theksuara.
Mbështetja e UCI dhe UEC për organizimin e Turit të Kosovës 2026, një projekt madhor për vendin dhe sportin tonë.
U konfirmua që në qershor 2026, z. Petsas do të jetë ligjëruesi kryesor në seminarin për licencimin e komisarëve në Kosovë.
Ky takim shënon një hap të rëndësishëm drejt profesionalizimit të mëtejmë të çiklizmit në vend dhe forcimit të bashkëpunimit me institucionet ndërkombëtare
