Federata e Çiklizmit e Kosovës ka kënaqësinë të njoftojë organizimin e Kampionatit të Kosovës në Çiklizëm, i cili do të mbahet më 20-22 qershor 2025. Ky kampionat është pjesë e kalendarit botëror të UCI (Union Cycliste Internationale), duke i dhënë një dimension ndërkombëtar dhe rëndësi të veçantë këtij eventi sportiv.
Në këtë kampionat do të marrin pjesë 8 klube të licencuara pranë Federatës së Çiklizmit të Kosovës, të cilat do të konkurrojnë në të gjitha kategoritë. Pritet një garë me konkurrencë të lartë dhe përfaqësim të denjë të çiklizmit vendor.
Federata e Çiklizmit e Kosovës shpreh mirënjohjen e thellë për Policinë e Kosovës, Ministrinë e Infrastrukturës, si dhe Ministrinë e Kulturës, Rinisë dhe Sportit, për mbështetjen e vazhdueshme në organizimin dhe zhvillimin e aktiviteteve të tilla që promovojnë sportin dhe talentet vendore.
