Sot u mbajt mbledhja e Bordit të Federatës së Çiklizmit të Kosovës, e kryesuar nga Presidenti i FÇK-së, z. Avni Nuha, ku u konstatua kuorumi dhe u hap zyrtarisht mbledhja.
Gjatë mbledhjes u prezantua raporti i shkurtër i aktiviteteve për vitin 2025, duke përfshirë garat kombëtare dhe ndërkombëtare, trajnimet, si dhe pjesëmarrjen në mbledhjet e organizuara nga UCI, UEC dhe BCU.
Një pikë e veçantë e diskutimit ishte projekti i Velodromit, ku u theksua nevoja që të fillojnë bisedimet dhe bashkëpunimi me UCI, UEC dhe Ministrinë e Kulturës, Rinisë dhe Sportit (MKRS), si një hap i rëndësishëm për zhvillimin afatgjatë të çiklizmit në Kosovë.
Po ashtu u diskutuan aktivitetet dhe planet për vitin 2026, përfshirë:
Kalendarin e garave kombëtare
Trajnime për sportistë, trajnerë dhe gjyqtarë
Projekte për zhvillimin e çiklizmit të të rinjve
Aktivitetet promovuese dhe bashkëpunimin me klubet dhe institucionet komunale
Burimet e financimit dhe sponsorët
Në kuadër të çështjeve të tjera, Bordi formoi Komisionin për Përzgjedhjen e Sportistit të Vitit 2025, si dhe u diskutuan:
Licencimi dhe kotizimi
Regjistrimi i klubeve të reja
Propozimet e anëtarëve të Bordit dhe diskutimi i lirë
Federata e Çiklizmit të Kosovës mbetet e përkushtuar në avancimin e çiklizmit dhe krijimin e kushteve më të mira për sportistët tanë.
